Бөлүмдөр
Ишемби, 23-июнь
Баракелде

Фото - Бишкекте 3 айлык ымыркайды 10 миң сомго сатууга шектелген 3 аял кармалды

Turmush -  Милиция кызматкерлери 3 айлык ымыркайды сатууга шектүү делген 3 аялды кармашты. Бул тууралуу Бишкек ШИИБдин басма сөз кызматынан билдиришти.

Маалыматка караганда, Свердлов РИИБге Ысык-Көл районунда 1995-жылы туулган К.А. аттуу жаран кайрылып, жакшы тааныш эмес Назира аттуу аялга жана 28-30 жаштардагы эки аялга карата чара көрүүнү өтүнгөн. Ал арызда 12-майда Гоголь жана Түгөлбай ата көчөлөрүнүн кесилишинде 3 айлык ымыркайды алар 10 миң сомго мыйзамсыз сатышкандыгын билдирген.

Оперативдүү издөө иштеринин жүрүшүндө кылмыш издөө бөлүмүнүн кызматкерлери бала сатууга шектүү делген 3 аялды кармашкан. Алар:

- Ысык-Көл облусунда 1977-жылы туулган А.Н. аттуу аял, ал бала сатууда ортомчу болгон;

- Ысык-Көл облусунда 1982-жылы туулган А.Ж. аттуу аял, ал бала сатууда ортомчу болгон;

- Чүй облусунда 1991-жылы туулган С.Н. аттуу аял, ал 3 айлык ымыркайды сатып алган.

Свердлов РИИБдин Өспүрүмдөр менен иштөө инспекциясынын кызматкерлери акт түзүшүп, соттун чечими чыкканга чейин ымыркайды Бишкектин адистештирилген үйүнө өткөрүп беришкен. Иликтөө иштери жүрүүдө.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 2942
Көп окулду
×