Бөлүмдөр
Шейшемби, 19-июнь
Талас

Молдо Асан айылында ФАП ачылды (фото)

Turmush -  Кара-Буура районунун Молдо Асан  айылында фельдшердик-акушердик пункт ачылды. Бул тууралуу Turmush басылмасынын аймактык кабарчысы маалымдады.

Район жетекчилигинин маалыматына караганда, ФАПтын имараты өкмөт, АРИС, жергиликтүү калк чыгарган 2 млн 15 миң сомго бүткөрүлдү. Кара-Буура районунда 15 ФАП, 8 үй-бүлөлүк медицина борбору бар.

«Молдо Асан айылында 1500дөн ашык адам бар. Элеттиктер көпчүлүк учурда кан басымы жогорулаганда бул ФАПка кайрылып турушат. 18 жашка чейинки 240 өспүрүм, каттоодо турган кош бойлуу айымдар, жаңы төрөлгөн ымыркайлар дагы бул жайдан эмдөөдөн өтүп, тийишүү жардам алышат. ФАПтын жаңы имараты кошумча жаңы медициналык жабдуулар менен жабдылды», - деди №7 үй-бүлөлүк дарыгерлер тобунун «Жийде» фельдшердик-акушердик пунктунун жетекчиси Нургүл Орозумбетова.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 1821
Көп окулду
×