Бөлүмдөр
Ишемби, 25-ноябрь
69.75    82.62    1.19    KZT 0.21
Талас

Бала тили – бал: Эгемен майрамда эл жакшы көйнөктөрүн кийип, күлүп турушат, - 6 жаштагы Шахноза (фото)

Turmush -  Кичинекей балакайлардын айлана-чөйрөгө көз караштары кандай? Алар сүйүүнү, жаман-жакшыны, таарыныч-сагынууну кандай түшүнөт? Ата-энелер жашоо-тиричилик менен жүрүп, балдарынын ой жүгүртүүлөрүн аңдабай калышы мүмкүн. Бул жолку каарманыбыз ата-энеси менен Кара-Буура районунун Кызыл-Адыр айылында жашаган, Талас шаарында Эгемендик майрамына атайын келген 6 жаштагы Шахноза.

- Шахноз канча жаштасың?

- 6.

- Майрам деген эмне?

- Майрамдачы ырдайт, бийлешет, жакшы кийимдерин кийишет.

- Бүгүн эмне майрам?

- Эгемен майрам.

- Эгемен деген эмне майрам ошондо?

- Элдин баары жакшы көйнөктөрүн кийип, күлүп турушат. Ортодо сулуу кыздар бийлеп, ырдашат.

- Бүгүнкү майрам жактыбы?

- Ооба, жакты. Сок ичтим, шашлык жедим, шарик алдым.

- Дагы сага жаккан эмнелер болду?

- Дагы мага бийлеген кыздар жакты, дадагамды ырдаган жакты.

- Шахноза мамлекет деген эмне?

- Биз жашаган жер.

- Сен каякта жашайсың?

- Кызыл-Адырда.

- Кызыл-Адырды жакшы көрөсүңбү же Кыргызстандыбы?

- Кызыл-Адырды биринчи, анан Кыргызстанды.

- Чоңойгондо ким болгуң келет?

- Чоңойгондо милиция болгум келет.

- Милициялар эмне жумуш кылат?

- Алар элдерди кайтарат. Дайыма майрамдарда жүрөт. Бирок алар кишилердин көзүнчө тамак жешпейт.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 936
Комментарии
Обсуждения закрыты
Көп окулду
Учурда окулуп жатат
×