Бөлүмдөр
Жекшемби, 22-апрель
Талас

Жубайлар: Жийдекүл апа жездесинин досуна турмушка чыгып, 31 жылдан бери чогуу жашап келе жатышат (фото)

Turmush -  Талас районуна караштуу Көк-Токой айылындагы жубайлар — 55 жаштагы Казакбай Жуманалиев менен 50 жаштагы Жийдекүл Жуманалиева 31 жылдан бери бирге өмүр сүрүп келишет.

Жийдекүл апа: Казакбай менин жездем менен дос болуп жүрчү экен. Экөөбүз мен жездемдин үйүнө барып калып таанышканбыз. Көп узабай эле 1986-жылы 17-мартта баш коштук.

Бир жолу шкафтын эшигин тартсам эшиги кулап түшүп калды. Эртең менен кайын энем көрүп алып, «эшикти эмне бузуп таштадыңар?» деп сурады. Мен «мен бузган жокмун, ачсам эле өзү түшүп калды» дедим. Көрсө кайын энем Казакбай экөөбүз урушуп, мен шкафка жашынып калып, Казакбай эшигин жулуп салды деп ойлоптур.

Учурда өзүмдү бактылуу эне, бактылуу жубаймын деп эсептейм. Жолдошум Казакбайдын колдоосу менен «Эне тилеги» деген фольклордук топто ырдайм. 2017-жылы аталган топ менен «Шайыр апалар» фестивалына, Көчмөндөр оюндарына катышып келдик.

Казакбай ата:Азыркы учурда жубайым Жийдекүл пенсияда. Өзүм Талас областук мамлекеттик стандарттын жетекчиси болуп иштеп жатам. Жубайым экөөбүз 3 кыз, 2 уулдун, 3 неберенин бактылуу ата-энесибиз.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 917
Көп окулду
Учурда окулуп жатат
×