Бөлүмдөр
Бейшемби, 18-октябрь
Талас облусуБакай-Ата району 11.04.2018 20:33

Айыл турмушу: Бакай-аталык Б.Борукеев Голландиядан алынып келинген сарымсактарды өстүрүүдө (фото)

Turmush -  Бакай-Ата районунун Боо-Терек айылынын тургуну Бакыт Борукеев 20 сотых жерге сарымсак өстүрүүдө. Аймактык кабарчы дыйкан менен таанышты.

Өзүнүн айтымында, сарымсактын 2 түрүн тиккен.

«Өзүм дыйкандын үйбүлөсүндө чоңойдум. Ушул убакка чейин төө буурчак өстүрчүмүн. 1 жылдан бери сарымсак тигип сатып келем. Мага «сарымсак тигип киреше тапсаң болот» деп үкөм Бекжан сунуштаган. Быйыл 20 сотых жерге сарымсактын 2 түрүн тиктим. Бири өзүбүздүн эле сарымсактын болсо, экинчиси голландиядан алынып келинген үрөн экен. 20 сотых жерге 250 кг сарымсак тиктим. Ар бир кг 120 сомдон сатып алдым. Сарымсак 2 жолу чабылып, 1 жолу отолот. Сөңгөктөрүн жулуп турам. 20 күн сайын суу ичип турат. Азыркы учурда биринчи чабагын чаап жатабыз. 1 айдан кийин экинчи чабыгы башталат. Түшүмдү июль айынын орточо ченинде берип калат. Казып алып кургатып сата берем. Былтыр 1 кг 100 сомдон сатып жакшы киреше тапкам. Күз айынан бери айдап, тигүү менен жалпы 36 миң сом каражат жумшалды», - деди ал.

Дыйкан жубайы Ханзада айым экөө 3 баланы тарбиялап жатат.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×