Бөлүмдөр
Ишемби, 15-декабрь
Талас облусуБакай-Ата району 04.07.2018 10:30

Россиядан Таласка келип, дайынсыз жоголуп кеткен аял жайлоодон аман-эсен табылды

Turmush -  Бакай-Ата районунун Кара-Коюн жайлоосуна келип жоголуп кеткен россиялык турист аял аман-эсен табылды. Бул тууралуу бүгүн, 4-июлда ӨКМден билдиришти.

Маалыматка караганда, Россиянын Санкт-Петербург шаарынан Кара-Коюн жайлоосуна 8 турист эс алууга келишкен. Кечээ, 3-июль күнү саат 16:30 чамасында эс алып жүргөн жеринен 1966-жылы туулган Пригожина М.А. жоголуп кеткендиги тууралуу маалымат түшкөн. Издөө иштерин жүргүзүү үчүн ӨКМден 5 куткаруучу жана милициядан 8 кызматкер тартылган. Жоголгон турист саат 23:20 чамаларында Кара-Коюн жайлоосунан аман-эсен табылды.

Милиция эмне дейт?

Талас ОИИБдин маалыматына караганда, кечээ, 3-июлда Бакай-Ата районунун Кара-Коюн жайлоосуна келип жоголуп кеткен россиялык турист аял өз тобуна кошулуп, Сары-Челекке жөнөп кетти.

Маалыматка караганда, кечээ Бакай-Ата РИИБге Россиянын Санкт-Петербург шаарынын тургуну Галина Каровична арыз менен кайрылган. Ал 8 адамдан турган туристтик тайпа Бакай-Ата районунун Беш-Көл жайлоосуна кетип бара жаткан Чийи-Таш өзөнүнөн 1962-жылы туулган М.А.Пригожина дайынсыз жоголуп кеткендигин билдирген. Окуя болжол менен саат 07:00 чамасында болгон. Бакай-Ата РИИБдин өздүк курамынан, ӨКМден, жергиликтүү малчылардан турган 15 адамдык топ куралып, аталган аялды табуу үчүн аракеттерди көрүшкөн. Турист аял саат 23:20 чамасында табылган. Ал туристтик тобуна кошулуп, Сары-Челеке сапар алды.

Анын өзүнүн айтымында, кетип бара жаткан адамдардан адашып, Кара-Коюн жайлоосуна чыгып кеткен. Учурда акыбалы жакшы.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×