Бөлүмдөр
Шейшемби, 25-сентябрь
Талас облусуТалас району 10.07.2018 13:26

Кылым карыткан жаш: Таластык Тунук апа 25 небере, 70 чөбөрө, 4 кыбыранын энеси (фото)

Turmush -  Талас районунун Козучак айылындагы 98 жаштагы Мамырбекова Тунук апа 5 бала, 25 небере, 70 чөбөрө, 4 кыбыранын энеси. Аймактык кабарчы кылым карыткан ападан кабар алды.

Өзүнүн айтымында, 7-июль күнү 98 жашка толду. Козучак айылында эле чоңоюп, айылдашына турмушка чыккан.

«Ата-энем Суусамыр жайлоосунун Тунук айылында мал багышчу. Мен ошол жакта төрөлүп, атымды Тунук деп ошол айылдын атынан коюшкан экен. 4-классты эле аяктадым. 16 жашымда турмушка чыктым. Жолдошум согушка катышып, аман-эсен кайтып келди. Жаш кезде кыйынчылыктарды көп көрдүм. Оорукта тамеки тизип эмгектендим. Абышкам экөөбүз 4 уул, 1 кызды тарбиялап чоңойттук. Бардыгынын өздөрүнүн үй-жайы, кесиби бар. Ар бирин кыдырып жүрө берем. Жолдошум 70 жаштан ашып кайтыш болду. Азыр ден соолугум жакшы, көзүм көрөт, кулагым угат», - деди ал.

Тунук апа айылындагы жашы эң улуу адамдардын бири болуп эсептелет.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Комментарии
Для добавления комментария необходимо быть нашим подписчиком
×