Бөлүмдөр
Дүйшөмбү, 17-декабрь
Талас облусуМанас району 03.08.2018 10:03

Таластагы Алмалуу-Тоодо 5 күн мурун тутанган өрт толук өчүрүлдү

Turmush -  Манас районунун Покровка айыл аймагында 5 күн мурун өрт чыккан Алмалуу-Тоону көзөмөлгө алуу иштери улантылып жатат. ӨКМдин акыркы маалыматы боюнча, 2-август күнү саат 00:00дө өрт чектөөгө алынып, саат 20:30да толук өчүрүлдү.

Министрлик 1-августка карата 1000 га куураган чөп жана бадалдар күйгөнүн билдирди.

Казакстан менен чектешкен аймактагы Алмалуу-Тоодо куураган чөп 28-июлда өрттөнүп баштаган. Ошондон бери өрт өчүрүлүп, кайра тутанып жаткан. 29-июлда саат 19:30 өрт толук өчүрүлгөн, бирок 30-июлда түн ичинде кайрадан жанданып, Алмалуу-Тоонун аймагында болжол менен 1500 га куураган чөп күйүп кеткен.

Өрткө каршы куткаруу бөлүмүнөн 18 куткаруучу, токой чарбадан 12 кызматкер тартылып, өрт 30-июлда саат 12:10дө толук өчүрүлгөн. Кайрадан саат 19:05те өрт тутанып, Алмалуу-Тоонун аймагында болжол менен 100 га куураган чөп күйүп кеткен болчу.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×